Сармураббии нави мунтахаби футболи Тоҷикистон муайян шуд

Душанбе, 1 июл. (АМИТ «Ховар»).- Собиқ ҳамлагари маъруфи дастаи «Помир»-и Душанбе Муҳсин Муҳаммадиев ба ҳайси сармураббии дастаи мунтахаби футболи Тоҷикистон ба фаъолият оғоз мекунад.Ба иттилои Федератсияи футболи кишвар пагоҳ, 2-юми июл дар бинои ФФТ нишасти матбуотӣ доир мегардад ва интизор меравад, ки дар рафти он Муҳсин Муҳаммадиев шартномаи сесолаи худ бо Федератсияи футболи Тоҷикистонро имзо кунад. Муҳсин Муҳаммадиев 21-уми октябри соли 1966-ум таваллуд ёфта, дар ҳайати дастаҳои «Пахтакор»,-и Қурғонтеппа, «Помир»-и Душанбе, «Локомотив» ва «Спартак»-и Москва, ва «Аустрия»-и Австрия бозӣ кардааст.