Савдои хориҷӣ дар 6 моҳ—2 миллираду 528 миллион доллар

Душанбе, 23 июл. (АМИТ «Ховар», Баҳманёр Муродов).- Гардиши савдои хориҷии Тоҷикистон дар шашмоҳаи аввали соли ҷорӣ 2 миллиарду 528 миллион доллари амрикоиро ташкил додааст.Дар ин бора Абдуҷаббор Ширинов, раиси Бонки миллии кишвар имрӯз, 23 –юми июл дар як нишасти хабарӣ дар Душанбе иттилоъ дода, афзуд, ки ин нишондод нисбат ба нимсолаи якуми соли гузашта 4, 0 фисад зиёд аст.Бар пояи гуфтаҳои Абдуҷаббор Ширинов дар давоми шаш моҳ хаҷми содирот 8,6 фисад коҳиш ёфта, ба 612,3 миллион ва ҳаҷми воридот 8,7 фоиз афзуда, ба 1 миллиарду 915 миллион доллари амрикоӣ баробар шудааст.