Семинари минтақавӣ дар Исломобод
Душанбе, 10 июл. (АМИТ «Ховар», Ибодат Давлатова).-Дар доираи «Барномаи минтақавии СММ оид ба тақвият бахшидани мубориза бо маводи нашъаовар дар ҶИА ва давлатҳои ҳамсоя барои солҳои 2011-2014» дар пойтахти Ҷумҳурии Исломии Покистон шаҳри Исломобод дар мавзӯи «Ҷамъоварӣ ва таҳлили ахбор нисбати истеъмолкунандагони маводи нашъаовар» семинари минтақавӣ баргузор гардид.Тавре ки аз Агентии назорати маводи нашъаовари назди Президенти Ҷумҳурии Тоҷикистон иттилоъ доданд, дар кори семинар кормандони хадамотҳои наркологӣ ва эпидемиологӣ, сохторҳои таҳлилии мақомоти салоҳиятдори давлатҳои Осиёи Марказӣ, Ҷумҳурии Исломии Афғонистон, Ҷумҳурии Исломии Эрон, Ҷумҳурии Исломии Покистон, Бангладеш, Малдова, Непал ва Шри-Ланка иштирок намуданд. Аз Ҷумҳурии Тоҷикистон дар семинари мазкур нозири шуъбаи иттиллоотӣ-таҳлилии АНМН ва корманди Маркази клиникии ҷумҳуриявии наркологӣ ба номи М.Ғуломов ширкат варзиданд. Дар ин семинар оид ба табодули афкор ва таҷрибаи кории намояндагони давлатҳои минтақа доир ба гузаронидани таҳқиқот дар бахши истеъмоли маводи нашъаовар, пешниҳод намудани стандартҳои байналмилалӣ оид ба ҷамъоварии маълумоти истеъмоли маводи нашъаовар, такмилдиҳии воситаҳо ва асбобҳои мавҷуда барои гузаронидани муоинаҳои шахсони истеъмолкунандаи маводи нашъаовар, ошкор намудани камбудиҳо дар донишҳои омӯхта ва банақшагирии қадамҳои оянда муҳокима гардиданд. «Аз ҷониби намояндаи Ҷумҳурии Тоҷикистон ба иштирокчиёни семинар муаррифиномаи вазъи наркологӣ дар ҷумҳурӣ ва Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013-2020 пешниҳод карда шуд»- илова намуд манбаъ.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






