Варзишгарони тоҷик аз Узбекистон 19 медали тилло оварданд

Душанбе, 4 июл. (АМИТ «Ховар»).-Дар чемпионати ХII-уми Осиё оид ба дастхобонӣ, ки рӯзҳои 24-28-уми июни соли ҷорӣ дар ноҳияи Кибрайи Узбекистон бо иштироки 350 нафар варзишгарони аз ҷумҳуриҳои Тоҷикистон, Покистон, Ҳиндустон, Муғулистон, Ҷопон, Кореяи шимолӣ, Қазоқистону Қирғизистон ва Узбекистон баргузор гардид, варзишгарони тоҷик маҳорати баланд нишон доданд. Бар пояи иттилои Хадамоти матбуоти Раиси вилояти Суғд дар ин мусобиқа 80 нафар варзишгарони тоҷик иштирок намуда, ба гирифтани 11 медали тилло, 19 нуқра ва 36 биринҷӣ ноил гардиданд, ки ин дастоварди арзанда аст.