Вазорати адлия дар 6 моҳ 62 ташкилоти ҷамъиятиро ба қайд гирифт

Душанбе, 23 июл. (АМИТ «Ховар», Баҳманёр Муродов).- Дар давоми шашмоҳаи аввали соли ҷорӣ идораҳои нотариалии давлатӣ 297 ҳазору 794 амалиёти нотариалиро ба расмият дароварданд, ки аз ин фаъолият ба буҷаи давлат 20 миллиону 30 ҳазору 209 сомонӣ боҷи давлатӣ ворид гардид ва ин нишондод назар ба ҳамин давраи соли гузашта 3 миллиону 384 ҳазору 871 сомонӣ зиёд аст.Ин нуктаро Рустам Менглиев, вазири адлияи кишвар имрӯз, 23-уми июл дар як нишасти хабарӣ таъкид кард. Ҳамчунин Рустам Менглиев афзуд, ки Вазорати адлия ва раёсатҳои он дар вилоятҳо дар давоми шаш моҳи соли ҷорӣ 62 ташкилоти ҷамъиятӣ ва 5736 шартномаи гаравро ба қайди давлатӣ гирифтаанд.