12 корхонаи саноатӣ дар Шӯрообод

Шӯрообод, 2 август. (АМИТ «Ховар», Фарҳод Мадаминов).- Таъмини фаъолияти пурраи корхонаҳои саноатӣ , рушди соҳибкории истеҳсолӣ ва дар ин замина ташкили ҷойҳои нави корӣ дар ноҳияи Шӯробод босуръат идома дорад. Бо ин мақсад дар ноҳия 3 корхонаи нави саноатӣ ба фаъолият шуруъ карда, шумораи корхонаҳои саноатии ноҳия ба 12 адад расонида шуд, ҳаҷми истеҳсоли маҳсулоти саноатӣ ба 4186 ҳазор сомонӣ расид, ки нисбат ба соли гузашта 1735,8 ҳазор сомонӣ зиёд аст.  Ҳамзамон дар ин давра дар ноҳия ба миқдори 3702 тонна орд, 66 т нон ва маҳсулоти нонӣ , 30,7 тонна равғани растанӣ ва 25554 метри мукааб сангреза тайёр карда шуд, ки ин ҳама баҳри беҳбудии рӯзгори мардум равона шудаанд.