Ҳадаф-ҳифзи сиҳатии мардум

Душанбе, 3 август.(АМИТ «Ховар», Раъно Нусратуллоева).- Бо мақсади таъмини ҳифзи саломатии шаҳрвандон дар ҳудуди шаҳри Роғун Беморхонаи марказии шаҳрӣ бо 175 кат, 2 Маркази саломатии шаҳрӣ бо 480 қабул дар як баст, 2 Маркази саломатии деҳот, 11 бунггоҳи саломатӣ, Маркази саломатии сохтмончиён, Маркази зидди бемориҳои сил, Маркази назорати санитариву эпидемиологӣ, 2 шуъбаи ёрии таъҷилӣ, дорухонаи марказӣ, Маркази солимии репродуктивӣ, Маркази ҳамбастагии бемориҳои кӯдакона, Маркази ташаккули тарзи ҳаёти солим, Маркази эмтаъминкунӣ, Маркази мубориза алайҳи СПИД, ҳуҷраи боварӣ барои муҳоҷирони меҳнатӣ ва ғайра ба аҳолӣ хизмат мерасонад. Аз тарафи Маркази назорати давлатии санитарию эпидемиологии шаҳр дар ин давра 1765 бемории сирояткунанда ба қайд гирифта шудааст, аз ҷумла миёни наврасони то 14- сола 1358 нафар гирифторони ин беморӣ ба қайд грифта шудаанд.Инчунин дар ин давра 452 назорати санитарӣ дар муассисаҳо ва корхонаю ташкилотҳо гузаронида шудааст.