Ҳамкорӣ бо «AMER INTERNATIONAL GROUP CO., LTD»
Душанбе, 22 август. (АМИТ «Ховар», Л. Қосимова). — Ба наздикӣ Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Давлаталӣ Саидов бо ноиби президенти «AMER INTERNATIONAL GROUP CO., LTD» Танг Ехаи (Tang Yihui) ва ҳайати роҳбарони ин ширкат вохӯрӣ доир намуд. Дар вохӯрӣ масъалаи имконияти сармоягузории гуруҳи ширкатҳои мазкур ба соҳаҳои мухталифи иқтисодиёти Тоҷикистон, аз ҷумла ба соҳаҳои истихроҷи маъданҳои куҳӣ, гидроэнергетика ва ғайра баррасӣ гардид. Раиси Кумита ба ноиби президенти «AMER INTERNATIONAL GROUP CO., LTD» оид ба фазои сармоягузорӣ, кафолату имтиёзҳои барои сармоягузорон пешниҳодшаванда, тартиби ҳамкорӣ бо ширкатҳои сармоягузори хориҷӣ дар соҳаи истифодаи қаъри замин маълумот дода, ба онҳо маводи таблиғотӣ оид ба қонунгузории ҷории танзимкунандаи фаъолияти сармоягузорӣ ва соҳибкорӣ, тавсифномаи кӯтоҳи лоиҳаҳои сармоягузорӣ, имконият ва иқтидорҳои сармоягузорӣ ва дигар маълумоти заруриро пешниҳод намуд. Дар фарҷоми вохўрӣ тарафҳо ҳавасмандии худро ҷиҳати ба роҳ мондани ҳамкории минбаъда изҳор намуда, таклиф намуданд, ки миёни «AMER INTERNATIONAL GROUP CO., LTD» ва Кумитаи давлатии сармоягузорӣ ва идораи амволи давлатии Ҷумҳурии Тоҷикистон Ёддошти тафоҳум оид ба ҳамкорӣ ба имзо расонида шавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






