1539 ҷойи нави корӣ дар шаш моҳ

Душанбе, 5 август. (АМИТ «Ховар», Сулаймон Холов).- Дар ноҳияи Фархор дар давоми шаш моҳи соли ҷорӣ аз ҷониби шуъбаи Агентии давлатии ҳифзи иҷтимоӣ, шуғли аҳолӣ ва муҳоҷирати ноҳия дар маркази ноҳия 6 ярмаркаи ҷойҳои кори холӣ ва вазифаҳои озод гузаронида шуд, ки дар натиҷа 241 шаҳрванд ба ҷои кори доимӣ таъмин гардид. Ба гуфти раиси ноҳия Қурбонбой Каримов ба 13 нафар шаҳрванди бекор, аз ҷумла 5 нафар заноне, ки хоҳиши ба соҳибкорӣ машғул шуданро доштанд, қарзи бефоиз дода шуд. Аз тарафи агентӣ дар ин давра 1539 ҷойи нави корӣ таъсис дода шуд, ки нисбат ба ҳамин давраи соли гузашта 2 адад зиёд мебошад. Дар ин давра ба 116 нафар кӯмакпулӣ таъйин карда шуда, 116 нафари дигар ба курсҳои бозомӯзии касбҳои гуногун фаро гирифта шуданд.