Аввалин аксияи байналмилалӣ дар Хатлон
Душанбе, 12 август. (АМИТ «Ховар», Ибодат Давлатова).-Дар доираи татбиқи аввалин лоиҳаи байналмилалии Агентии назорати маводи нашъаовари назди Президенти Ҷумҳурии Тоҷикистон «Гузаронидани чорабиниҳои фаҳмондадиҳӣ ва профилактикӣ-пешгирикунандаи зиддимухаддиротӣ дар ноҳияҳои наздисарҳадии вилоятҳои Суғд ва Хатлон, инчунин дар ВМКБ» баргузор гардид. Тавре ки аз агентии мазкур иттилоъ доданд, ин дафъа гуруҳи таблиғотии агентӣ чорабинии пуршукуҳи фарҳангӣ, варзишӣ ва таблиғоти ҳаёти солимро аз маркази ноҳияи Шӯрообод оғоз намуд. Кормандони агентӣ дар якҷоягӣ бо намояндагони ҳокимияти иҷрояи маҳаллӣ, мутахассисони шуъбаҳои тандурустӣ, фарҳанг ва маорифи ноҳия дар назди иштирокчиён сухан гуфта, онҳоро барои даст кашидан аз одатҳои бад ва пайравӣ ба тарзи ҳаёти солим даъват намуданд. Дар охири аксия барои ғолибони озмунҳо мукофотҳо ва туҳфаҳои хотиравӣ тақдим карда шуданд. Инчунин дар байни аҳолӣ варақаҳои иттилоотӣ ва буклетҳои таблиғотӣ, ки дар бораи оқибатҳои нашъамандӣ ва нашъаҷаллобӣ, пешгирии нашъамандӣ маълумоти муфассал доштанд, паҳн карда шуданд. Бояд қайд намуд, ки аввалин Лоиҳаи байналмилалӣ аз ҷониби Барномаи Раёсати Созмони Милали Муттаҳид оид ба мухаддирот ва ҷинояткорӣ барои Афғонистон ва кишварҳои ҳамсоя маблағгузорӣ мешавад, ки намояндагонаш низ дар ҷараёни татбиқи он иштироки фаъолона менамоянд.Лоиҳаи мазкур ташкил ва гузаронидани корҳои профилактикӣ, фарҳангӣ, фароғатӣ ва фаҳмондадиҳиро дар байни истиқоматкунандагони ноҳияҳои наздисарҳадии ҶТ ва ҶИА, бо мақсади ҷалби диққати онҳо ба масъалаҳои сӯйистеъмоли маводи нашъадор, сафарбар кардани онҳо ба пешгирии нашъамандӣ, мубориза бо ҷиноякорони мухаддиротӣ ва ташаккули тарзи ҳаёти солим дар бар мегирад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






