Баррасии нақшаҳо дар самти мубориза бо маводи нашъадор

Душанбе, 15 август. (АМИТ «Ховар»).-Бо ташаббуси Сафорати ИМА дар Ҷумҳурии Тоҷикистон вохӯрии директори Агентии назорати маводи нашъаовари назди Президенти Ҷумҳурии Тоҷикистон генерал-лейтенанти милитсия Р. Назаров бо роҳбари навтаъйини шуъбаи назорати маводи нашъадор ва ҳифзи тартиботи ҳуқуқии Департаменти давлатии ИМА Марк Вуд баргузор гардид. Мақсади асосии вохӯрӣ шиносоӣ бо фаъолияти агентӣ ва муҳокимаи нақшаҳои ҳамкориҳои минбаъдаи сохторҳои дахлдори ду кишвар дар самти мубориза бо маводи нашъадор буд.Роҳбари агентӣ ба ҳукумати ИМА барои расонидани кӯмак ва дастгирии мақомоти салоҳиятдори Ҷумҳурии Тоҷикистон, ки бо маводи нашъадор мубориза мебаранд, изҳори миннатдорӣ кард.Дар вохӯрӣ масъалаҳои ҳамкориҳои дуҷониба ва минтақавӣ дар мубориза бо терроризм ва экстремизм, инчунин рушди дурнамои минбаъда дар солҳои наздик муҳокима шуданд.