Дуздӣ дар мағоза

Душанбе, 26 август. (АМИТ «Ховар», Л. Қосимова).- Ба шуъбаи Вазорати корҳои дохилаи ноҳияи И.Сомонӣ шаҳрванд Меҳрибону Ҳалимова, сокини шаҳри Душанбе муроҷиат намудааст, ки санаи 15 августи 2013 шахси номаълум аз тариқи тиреза вориди мағозааш, воқеъ дар хиёбони Рӯдакии пойтахт шуда, аз он ҷо 10 000 сомониро дуздида, аз ҷойи ҳодиса гурехтааст. Ҳангоми гузаронидани чорабиниҳои фаврию ҷустуҷӯӣ, кормандони милитсия бо гумони даст доштан дар ин дуздӣ шаҳрванд Фарҳод Калонов, соли таваллудаш 1985, сокини Душанберо, ки пештар бо ҷурми дуздӣ суд шудааст, дастгир намуданд. Нисбат ба ҳодисаи мазкур парвандаи ҷиноӣ оғоз гардида, тафтиш идома дорад.Дар ин бора ба АМИТ «Ховар» аз дафтари матбуоти ВКД хабар доданд.