Форум дар мавзӯи ҳифзи кӯдакони Осиёи Марказӣ

Душанбе, 13 август. (АМИТ «Ховар», Марҳабо Зунунова). – Соли 2015 дар пойтахти Ҷумҳурии Ӯзбекистон шаҳри Тошканд Форуми панҷум аз рӯи масоили ҳифзи кӯдакони кишварҳои Осиёи Марказӣ баргузор мегардад. Роҳбарони ҳайатҳои кишварҳои Осиёи Марказӣ дар ҷараёни ҷаласаи Форуми чаҳорум, ки дар шаҳри Душанбе баргузор гардид, дар ин маврид тасмим гирифтанд. Дар ин бора мудири шӯъбаи кор бо ҷавонон, варзиш ва сайёҳии назди Дастгоҳи иҷроияи Президенти Тоҷикистон, муовини раиси комиссияи оид ба ҳуқуқҳои кӯдаки назди Ҳукумати Тоҷикистон Дилором Мирсаидова ба АМИТ «Ховар» хабар дод.Мувофиқи суханони Дилором Мирсаидова, алҳол мавзӯи Форуми оянда муайян шудааст, ки он ба номи «Хидматрасонии иҷтимоӣ ба кӯдакон ва такмили кори бахши иҷтимоиёт» ёд мешавад.