Хизматрасонии хуби бонкӣ дар Шӯрообод

Шӯрообод, 13 август. (АМИТ «Ховар»,С. Холов).- Филиали ҶСК «Тоҷиксодиротбонк»-и ноҳияи Шӯрообод аз рӯи якчанд намуди қарзҳо ба мизоҷон хизмат расонида, марказҳои хизматрасонии бонкии худро дар ду ҷамоати дурдаст- Саричашма ва Даштиҷум роҳандозӣ намуд. Бинобар иттилои директори филиал Қиматшо Содиқов филиали мазкур дар шаш моҳи соли ҷорӣ аз ҳисоби маблағҳои интиқолии шаҳрвандон ба маблағи 83 ҳазору 947 сомонӣ хизмат расонид, ки ин нисбат ба ҳамин давраи соли гузашта 1,43 % зиёд мебошад. Дигар хизматрасоние, ки дар вақтҳои охир байни мардум дархости зиёд дорад, ин хизматрасонӣ тавассути кортҳои пластикӣ ва таъмини пули нақд тавассути банкоматҳо мебошад.