Ифтитоҳи гӯшаи ЮНЕСКО дар Китобхонаи миллӣ

Август 22, 2013 11:00

Душанбе, 22 август. (АМИТ «Ховар», Раъно Нусратуллоева).- Шоми 21 августи соли ҷорӣ дар Китобхонаи миллии Тоҷикистон гӯшаи ЮНЕСКО расман ифтитоҳ гардид. Дар кушодашавии гӯшаи мазкур шахсан мудири кулли ЮНЕСКО хонум Ирина Бокова иштирок намуд. Ҳадаф аз ифтитоҳи гӯша шиносоӣ бо фаъолияти ҳамарӯзаи ин ташкилоти бонуфуз, ошноӣ бо мероси қадимаи таърихӣ, ёдгориҳои ҳар як миллату халқиятҳои ҷаҳон мебошад. Дар гӯшаи илму фарҳанг нигора, либосҳои қадимаи халқи тоҷик ба намоиш гузошта шуда буд. Зимни суханронӣ Ирина Бокова гуфт: «Ман шод аз онам, ки меҳмонону намояндагоне, ки ин ҷо ташриф овардаанд ва бо ҳамроҳии мо ин гӯшаро боз карданд. Ин сафари нахустини ман ба Тоҷикистон мебошад, бояд гӯям, ки имсол 20 сол мешавад, ки Ҷумҳурии Тоҷикистон ба созмони ЮНЕСКО аъзо шудааст. Бояд гуфт, ки созмони ЮНЕСКО дар тамоми ҷаҳон барои таъмини солимии ҷомеа нақши калидиро мебозад. Инчунин Ирина Бокова зикр намуд, ки ман аз таъриху фарҳанги халқи тоҷик бархурдорам, аммо он чизе, ки ман имрӯз дар намоишгоҳ дидам, маро тасхир намуд».Ирина Бокова инчунин аз гӯшаи санъати тасвирӣ ва аккосӣ дидан намуд.Дар фарҷоми барнома бо ширкати дастаи «Шашмақомхонон» намунаҳо аз сурудҳои мусиқии классикӣ садо доданд.

Август 22, 2013 11:00

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд