Ифтитоҳи коргоҳи заргарӣ дар Шугнов

Ховалинг, 31 август. (АМИТ «Ховар», С. Холов).- Бо назардошти истеҳсоли металлҳои қиматбаҳо дар деҳаи Шугнови ноҳияи Ховалинг роҳбарияти корхонаи заршӯии «Одина»-и ин мавзеъ бо дастуру ҳидоятҳои Сарвари давлат сохтмони як коргоҳи заргариро ба уҳда гирифта буданд, ки инак он ба кор дароварда шуда, бо беҳтарин ва муосиртарин таҷҳизоти соҳавӣ таъмин гардид. Ҳоло 6 нафар коргар дар ин коргоҳ ба кор оғоз карда ва дар ин ҷо ҳашт намуд маҳсулот истеҳсол мешавад.. Рӯзҳои наздик дар назди коргоҳ курсхои омӯзишӣ кушода шуда, 24 нафар сокинонро ба касбомӯзӣ қабул менамоянд. Инчунин дар ноҳия дар рӯзҳои наздик чор коргоҳи саноатӣ ба фаъолият шуруъ менамояд, ки 100 нафар сокинони маҳаллӣ бо ҷои кори доимӣ таъмин мегарданд.