Муҳоҷирон чаро даст ба ҷиноят мезананд?
Душанбе, 1 август. (АМИТ «Ховар», Зарангез Латифова).- Вақтҳои охир хусусан дар Санкт- Петербург, ки бо чашми худ рафта дидам, масъалаи дуздию ғоратгарӣ аз ҷониби муҳоҷирони меҳнатӣ зиёд ба назар мерасад, сабабаш дар он аст, ки бештари ҷавонон мактаби миёнаро хатм намуда, бе омӯхтани ягон касб ё донистани ягон забон ба муҳоҷират мераванд, аз ин рӯ ба мушкилот дучор гардида, маҷбур мешаванд, то ба ягон ҷиноят даст зананд,- гуфт 31 июл зимни нишасти хабарӣ Ваколатдор оид ба ҳуқуқи инсон Зариф Ализода. -Аз ин хотир мо тасмим гирифтем, ки сохторҳои марбутаро вазифадор намоем, то якҷо бо муҳоҷирони меҳнатӣ дар маҳаллаҳо, дар ҳар як оила кор кунанд, волидайн пеш аз он, ки фарзандашонро ба ягон кишвар равон мекунанд, бояд донанд, ки ӯ дар он ҷо бо чӣ кор машғул мешавад, афзуд Ваколатдор оид ба ҳуқуқи инсон. -Ин дар ҳолест, ки муҳоҷирони тоҷике, ки ба Федератсияи Русия мераванд, аз ҳуқуқу қонунҳои ин кишвар хабардор нестанд ва ин сабаби ба чиноят даст задани онҳо мегардад, илова намуд Зариф Ализода. Зариф Ализода гуфт, муҳоҷирати меҳнатӣ мушкилоти иҷтимоӣ шудааст ва моро мебояд, бештар бо ҷомеа ҳамкорӣ кунем ва ин мушкилро ҳарчи тезтар бартараф созем.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






