Муҳокимаи масоили мубориза бо бемории вараҷа

Душанбе, 13 август. (АМИТ «Ховар», Фарзона Достонзода). – Бо ибтикори Вазорати тандурустии Ҷумҳурии Тоҷикистон имрӯз дар шаҳри Душанбе конфронси илмию амалии минтақавӣ оид ба бемории вараҷа баргузор гардид.Мувофиқи суханони раиси Маркази мубориза бо бемориҳои тропикии Вазорати тандурустии ҷумҳурӣ Сайфиддин Каримов, имрӯз дар ҷумҳурӣ ҳодисаҳои фавти мардум аз бемории вараҷа мушоҳида нашавад ҳам, вале ин беморӣ барои кишвар ҳанӯз ҳам хавфу хатар дорад. Дар кори конфронс намояндагони хадамоти санитарию эпидемиологӣ, мутахассисони марказҳои мубориза бо бемориҳои тропикӣ аз пажӯҳишгоҳҳои намоёни тадқиқоти илмии кишварҳои Закавказе, Аврупо ва Афғонистон ширкат доштанд.Хотирнишон месозем, ки соли 2010 Барномаи миллии ҷилавгирии бемории вараҷа барои солҳои 2011 – 2015 қабул шуда буд, ки мақсади ниҳоии он иборат аз ҷилавгирии сирояти бемории вараҷа то соли 2015 мебошад.