Мулоқот бо намояндагони Бунёди ҷаҳонии СММ

Қӯрғонтеппа, 23 август. (АМИТ «Ховар», Мурод Сотиев). – 22 август раиси вилояти Хатлон Ғайбулло Афзалов бо намояндагони Бунёди ҷаҳонии Созмони Милали Муттаҳид мулоқот анҷом дод.Ғайбулло Афзалов зимни мулоқот аҳамияти ҳамкории судманд дар соҳаҳои мухталифро ба таври махсус қайд намуда, зикр кард, ки ин ҳамкорӣ хусусан дар бахши мубориза бо бемориҳои сил, СПИД ва вараҷа вусъат меёбад.Раиси вилоят ҳамчунин зикр намуд, ки алҳол Ҳукумати Тоҷикистон барои роҳандозии тадбирҳои марбут ба ҷилавгирӣ дар мубориза бо бемориҳои мухталиф чораҳои зарурӣ мебинад. Ба гуфтаи Ғайбулло Афзалов, қабули барномаҳои гуногуни миллӣ ба баланд бардоштани сатҳи тансиҳатии аҳолӣ мусоидат мекунад.