Мусобиқаҳои варзишӣ бахшида ба Рўзи Истиқлолият

Душанбе, 6 август. (АМИТ «Ховар», Ибодат Давлатова).- Бахшида ба Рўзи Истиқлолияти давлатии Ҷумҳурии Тоҷикистон аз 10 август то 7 сентябри соли ҷорӣ дар Маҷмааи варзишии Кумитаи андоз, воқеъ дар шаҳри Душанбе барои дарёфти Ҷоми Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон баргузории як cилсила мусобиқаҳои ҷумҳуриявӣ оид ба волейбол миёни вазорату идораҳо дар назар аст. Бояд гуфт, ки дар чорабиниҳо дастаҳои дастгоҳи марказӣ, вазорату идораҳо ширкат хоҳанд кард. Ғолибон ва беҳтарин бозингарон бо ҷому дипломи Кумитаи ҷавонон, варзиш ва сайёҳӣ ва туҳфаҳои хотиравӣ қадрдонӣ мешаванд. Дар ин бора аз кумитаи мазкур иттилоъ доданд.