Оташсузӣ дар хонаи истиқоматӣ ҷони соҳибхонаро рабуд
Душанбе, 22 август. (АМИТ «Ховар», Фарзона Ашӯрмадова).-Субҳи 21-уми августи соли равон бинои истиқоматии 4 ошёнаи кӯчаи Шамсӣ 6/1-и ноҳияи Синои пойтахт сӯхтор ба амал омада, дар пайи он соҳибхона фавтидааст.Тавре ки дар ин бора сомонаи Вазорати корҳои дохилии кишвар хабар додаст, бомдоди рӯзи 21-уми август ба Сарраёсати хадамоти давлатии оташхомушкунии ноҳия хабари оташсузӣ расидааст. Фавран ба ҷойи ҳодиса 2 адад мошинҳои сӯхторхомӯшкунии ноҳияи Синои пойтахт ва хадамоти навбатдори Сарраёсати ХДО ВКД сафарбар карда шуд. Ҳангоми ба маҳали ҳодиса расидани оташнишонон тақрибан дар масоҳати 15 метри мураббаъ дар дохили ҳуҷраи №23, воқеъ дар ошёнаи якум, молу ашёҳоро оташ фаро гирифта, дуди ғализи он башиддат ба атроф паҳн мегаштааст. Оташнишонон фавран дари оҳанини ҳуҷраро шикаста, барои хомӯш намудани сӯхтор вориди он гаштаанд.Маълум гашт, ки дар ҷойи ҳодиса соҳибхона Михаил Новичкови 70-сола, маъюби гуруҳи 2, ки танҳо зиндагӣ мекард, дар натиҷаи заҳролудшавӣ аз дуди ғализ ба ҳалокат расидааст. Дар натиҷаи гузаронидани амалиёти фаврӣ оташнишонон ба зудӣ роҳҳои паҳншавии сӯхторро пешгирӣ намуда, онро пурра хомӯш намуданд.Мувофиқи иттилои коршиносони соҳа яке аз фарзияҳои ҳодисаи рухдода- ин кашидани сигор дар ҷойгаҳи хоб аз тарафи соҳибхона мебошад. Нисбат ба ҳодисаи ба амал омада, тафтишот давом дорад. Сабаби аслӣ, гунаҳгор ва зарар муайян карда мешавад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






