Пешгирии истисмори шаҳвонӣ

Душанбе, 23 август. (АМИТ «Ховар», Фарзона Ашӯрмадова).-Мақомоти ҳифзи ҳуқуқи Тоҷикистон як ҳодисаи истисмори шаҳвониро дар пойтахт пешгирӣ намуданд.Тавре ки сомонаи Вазорати корҳои дохилии кишвар хабар додааст, рӯзи 27-уми июли соли равон зимни гузаронидани чораҳои фаврию ҷустуҷӯӣ аз ҷониби кормандони Раёсати Вазорати корҳои дохилӣ дар вилояти Суғд муайян карда шуд, ки шаҳрванд Оиша Абдухалилова, соли таваллудаш 1972, сокини кӯчаи М.Тоҷибоеви ноҳияи Бобоҷон Ғафуров, ки дар шаҳри Истанбули Ҷумҳурии Туркия кору зиндагӣ мекунад, бо мақсади истисмори шаҳвонӣ шаҳрванд М. Исмоилова, соли таваллудаш 1986-ро ҷалб намуда, сипас барои ӯ рӯзи 4-уми август ба тариқи электронӣ ба хатсайри Душанбе-Истанбул чиптаи ҳавопаймо дастрас кардааст. Ҳангоми бақайдгирӣ аз хатсайри мазкур М. Исмоилова бозпас гардонида шудааст. Аз рӯи ин ҳодиса парвандаи ҷиноӣ оғоз гардида, тафтиш идома дорад.