Сабқати варзишгарони тоҷик дар Бозиҳои осиёии наврасон

Душанбе, 23 август. (АМИТ «Ховар», Фарзона Ашӯрмадова).-Бозиҳои дуюми осиёии наврасон бо иштироки варзишгарони 45 кишвар дар шаҳри Нанҷинги Чин ҷараён дорад.Тавре ки дар ин бора Назрулло Латипов,хабарнигор ва шореҳи варзиши тоҷик аз ҷараёни бозиҳо аз шаҳри Нанҷинг хабар дод, дар барномаи б0озиҳо 17 риштаи варзиш дохил аст. Баъди ҷамъбасти 6 рӯзи мусобиқа намояндагони 27 кишвар соҳибони медалҳо гардидаанд.Тоҷикистон дар байни кишварҳои медалдор бо як нишони нуқра ва як биринҷӣ ба мисли Ироқ дар зинаи 22-юм қарор дорад. Аз рӯи шумораи умумии медалҳо Тоҷикистон 19-ум аст. Чин бо 77 медал дар ҷойи аввал, Кореяи Ҷанубӣ бо 31 медал дар ҷойи дуюм ва Тайланд бо 27 медал дар ҷойи сеюм қарор доранд.Маросими пӯшидашавии бозиҳо дар шаҳри Нанҷинги Чин шоми шанбеи 24-уми август доир хоҳад шуд.