Шаҳрванди ҶИА дастгир шуд

Август 2, 2013 11:54

Душанбе, 2 август. (АМИТ «Ховар», Ибодат Давлатова).-Кормандони Раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Мухтори Куҳистони Бадахшон дар якҷоягӣ бо Раёсати агентӣ дар вилояти Хатлон шаҳрванди Ҷумҳурии Исломии Афғонистонро бо миқдори калони маводи нашъадор дастгир намуда, дар натиҷа фаъолияти ҷинояткори нашъаҷаллобро қатъ карданд. Тавре ки аз агентии мазкур хабар медиҳанд, ҳафтаи гузашта кормандони фаврии раёсатҳои АНМН дар ВМКБ ва шуъбаи байниминтақавии гуруҳи ноҳияҳои Кӯлоби РАНМН дар вилояти Хатлон дар ҳудуди мавзеи Назар-айвони ноҳияи Шӯрообод як амалиёти махсус гузаронида, дар натиҷа шаҳрванди 32-солаи Ҷумҳурии Исломии Афғонистонро бо гумонбарӣ дар муомилоти ғайриқонунии маводи мухаддир дастгир намуданд. Ба иттилои манбаъ, аз дастгиршуда як борхалтаи полиэтиленӣ ёфт ва мусодира намуданд, ки дар дохилаш маводи растанимонанди сабзранги бӯи махсус дошта пинҳон шуда буд. Мутобиқи маълумотномаи озмоишгоҳи ташхиси судии АНМН маводи мухаддири мусодирагардида навъи бангдонаи хушккарда буда, вазни он 15 кг 100 граммро ташкил дод. Аз рӯи ҳодисаи мазкур шуъбаи тафтишотии АНМН парвандаи ҷиноятӣ оғоз карда, дастгиршударо ба тавқифгоҳи нигоҳдошти муваққатии агентӣ ворид намудаанд. Ҳоло барои муайян кардани шахсони дигари ба ин ҷиноят ҳамроҳ, аз ҷониби кормандони АНМН чорабиниҳои фаврию-тафтишотӣ гузаронида мешаванд, хабар дод манбаъ.

Август 2, 2013 11:54

Хабарҳои дигари ин бахш

Имрӯз дар Тоҷикистон ҳавои тағйиёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд