Таҳсили сарҳадбонони Тоҷикистону Афғонистон

Душанбе, 26 август. (АМИТ «Ховар»). – 22 нафар сарҳадбонони Тоҷикистон ва афсарони идораи пулиси сарҳадии Афғонистон таҳсилро дар курсҳо аз рӯи масоили пайдо намудани ҳуҷҷатҳои қалбакии сайру сафар ва мубориза бо ҷилавгирии убури ғайриқонунии сарҳад анҷом доданд. Ин чорабинӣ бо ибтикори Маркази Созмони амнияту ҳамкорӣ дар Аврупо роҳандозӣ шуда буд. Тавре ки аз Маркази Созмони амнияту ҳамкорӣ дар Аврупо хабар доданд, барномаи таҳсилот иборат аз масоили сохтор ва хусусияти назорати сарҳадот, ошкор намудани ҳуҷҷатҳои қалбакии сайру сафар, ҳамчунин ҷилавгирии убури ғайриқонуниии сарҳад ва фаъолияти дигари ҷинояткоронаи трансмиллӣ буд. Коршиносони пулиси миллии Туркия б0 иштироккунандагони курсҳо аз рӯи масъалаҳои зикршуда машғулиятҳои амалӣ гузарониданд. Иштирокдорони курсҳо, ҳамчунин теъдоди зиёди намунаҳои ҳуҷҷатҳоро омӯхта, бо кори таҷҳизоти муосири бахши назорат шинос шуданд.Дар маросими супурдани дипломҳо намояндагони расмии қӯшунҳои сарҳадии Тоҷикистон ва Сафорати Афғонистон дар Тоҷикистон ширкат доштанд.