Ташрифи Сарвари давлат ба хонаи деҳқони оддӣ дар Ёвон

Август 29, 2013 13:33

Душанбе, 29 август. (АМИТ «Ховар»).-Дар ҷамоати Ҳасан Ҳусейнови ноҳияи Ёвон Президенти кишвар Эмомалӣ Раҳмон ба хонаи деҳқони асил Кароматулло Раҳматуллоев ташриф оварда, аз аҳволи рӯзгораш пурсон шуд.Тавре аён гардид, ин марди деҳқон роҳбари хоҳагии деҳқонии Алишер аст, ки 4,7 га замин дар ихтиёр дорад. 3,2 гектари он замини лалмӣ ва якуним гектараш обӣ мебошад. Дар хоҷагӣ 5 бародару 5 хоҳар аз як хонавода, ки ҳама оила барпо кардаанд, бо фарзандону пайвандонашон кор мекунанд. Онҳо, асосан, бо кишти ғалладонаю полезӣ, сабзавоткорӣ ва боғдорӣ машғул буда, аз он ризқу рӯзӣ ҳосил мекунанд ва ҳеҷ яке ба муҳоҷирати корӣ намераванд. Анвои гуногуни маҳсулоти ин хоҷагии деҳқонӣ дар ҳавлиашон ба намоиш гузошта шуда буд, ки аз гандум, наск, нахуд, лӯбиё, пиёз, картошка, сабзӣ, сирпиёз, қаламфур, боймиҷон, помидору бодиринг, ҷуворимакка, офтобпараст, ангӯр, себу нок, олу ва консерваҳои хонагии меваю сабзавот иборат аст.Миёни Сарвари давлат Эмомалӣ Раҳмон ва аҳли хонаводаи ин деҳқони асил сари дастурхон суҳбати гуворо сурат гирифт.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.

Август 29, 2013 13:33

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд