Таъсиси Донишкадаи идоракунии давлатии назди Президент

Душанбе, 30 август. (АМИТ «Ховар», Зарангези Латиф).- Мутобиқи моддаи 69 –уми Конститутсияи (Сарқонуни) Ҷумҳурии Тоҷикистон ва бо мақсади бо мутахассисони соҳибкасби идоракунӣ таъмин намудан ва таҳкими заминаи таълимӣ, илмӣ, ташкилию методии хизмати давлатӣ дар Ҷумҳурии Тоҷикистон Муассисаи давлатии таълимии «Донишкадаи идоракунии давлатии назди Президенти Ҷумҳурии Тоҷикистон» аз 1 – уми октябри соли ҷорӣ дар заминаи Донишкадаи такмили ихтисоси хизматчиёни давлатии Ҷумҳурии Тоҷикистон таъсис хоҳад ёфт. Бояд гуфт, ки теъдоди умумии кормандони Муассисаи давлатии таълимии «Донишкадаи идоракунии давалатии назди Президенти Ҷумҳурии Тоҷикистон» 182 нафар (бо назардошти ҳайати хизматрасон) муқаррар карда шуда, он тибқи қабули шумораи донишҷӯён марҳила ба марҳила амалӣ карда мешавад.