Тухмҳои ғайристандартиро нобуд намуданд
Душанбе, 5 август. (АМИТ «Ховар»).- Ҷиҳати таъмини амнияти озуқаворӣ дар натиҷаи корҳои сертификаткунонӣ ба миқдори 1 ҳазору 890 қуттӣ тухми мурғ бо вазни умумии зиёда аз 22 тонна, ки ба қаламрави Ҷумҳурии Тоҷикистон аз хориҷи кишвар ворид гардида буд, аз тарафи кормандони дидбонгоҳи «Терминал»-и Раёсати минтақавии гумрукии шаҳри Турсунзода мавриди санҷиш қарор гирифт. Тавре ки ба АМИТ «Ховар» аз маркази матбуоти Хадамоти гумруки назди Ҳукумати ҶТ хабар доданд, маҳсулоти мазкур дар озмоишгоҳи Агентии «Тоҷикстандарт» санҷида шуд ва дар натиҷа маълум гашт, ки маҳсулоти воридгардидаи тухми мурғ аз рўи нишондиҳандаҳо ба талабот ҷавобгў нест. Санҷиш нишон дод, ки маҳсулоти номбурда ҳангоми интиқол додан аз хориҷи кишвар дар натиҷаи нодуруст истифода бурдани яхдони воситаи нақлиёт пурра корношоям гаштааст. Тибқи Қонуни Ҷумҳурии Тоҷикистон «Дар бораи сифат ва бехатарии маҳсулоти хўрокворӣ» ва дар асоси талаботи моддаи 243 Кодекси гумрукӣ Ҷумҳурии Тоҷикистон моли мазкур таҳти низоми гумрукии «Нобудкунӣ» қарор дода шуда, зиёда аз 22 тонна маҳсулоти ғайристандартӣ бо иштироки мақомоти салоҳиятдор карда шуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






