Вохӯрӣ бо муҳоҷирони меҳнатӣ
Душанбе, 21 август. (АМИТ «Ховар», Лайло Қосимова). – Намояндагии Хадамоти муҳоҷирати назди Ҳукумати Ҷумҳурии Тоҷикистон дар Федератсияи Русия ба манзури шиносоӣ бо шароити зисту меҳнати муҷирони меҳнатии ҶТ аз як қатор иншоотҳои сохтмонии шаҳрҳои Анапа ва Новороссийск дидор намуданд. Масалан, корманди Хадамоти муҳоҷират Нусратулло Исматов дар иншооте, ки дар он 15 нафар шаҳрвандони Тоҷикистон кор мекунанд, бо роҳбари гурӯҳи муҳоҷирон Ғайратҷон Сангинбоев ва худи муҳоҷирони меҳнатӣ перомуни шароити зисту фаъолият ҳамчун музди меҳнаташон сӯҳбат намуд. Маълум шуд, ки музди меҳнати ҳармоҳаи муҳоҷирон 25 ҳазор рублро ташкил медиҳад. Дар ҷараёни сӯҳбат ҳамчунин масоили марбут ба ворид намудани тағйирот ба Қонуни федералӣ «Дар бораи вазъияти ҳуқуқии шаҳрвандони хориҷӣ дар Федератсияи Русия» ва ба мавқеи иҷро расидани Қонуни федералӣ «Дар бораи ворид намудани тағйирот ба моддаи «Оид ба тартиби баромад аз Федератсияи Русия» мавриди муҳокима қарор гирифтанд.Дар ин бора котиби матбуоти Намояндагии Муҳоҷирати меҳнатии Ҷумҳурии Тоҷикистон дар Федератсияи Русия ба АМИТ «Ховар» хабар дод.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






