Қоҳир Расулзода кормандони пешқадами Суғдро қадрдонӣ кард
Душанбе, 5 сентябр. (АМИТ «Ховар», Зарангези Латиф).- Имрӯз ба ифтихори солгарди 22-юми Истиқлоли Ҷумҳурии Тоҷикистон маросими қадршиносии кормандони пешқадами соҳаҳои хоҷагии халқи вилояти Суғд баргузор гардид. Раиси вилояти Суғд Қоҳир Расулзода зимни суханронии худ дар ҳузури кормандони пешқадам онҳоро ба муносибати иди Истиқлолияти давлатии Ҷумҳурии Тоҷикистон табрик гуфта, изҳор дошт, ки ҳама гуна бурдбориву пешравӣ маҳз аз масъулият ва меҳнати содиқонаи ҳар як шаҳрванди кишвар вобастагӣ дорад. Сипас, раиси вилоят дар фазои тантанавӣ ба 62 нафар кормандони соҳаҳои гуногуни хоҷагии халқи вилоят, ходимони ҳарбӣ, аҳли зиё, олимону адибон, занону ҷавонон ва собиқадорони меҳнат «Ифтихорнома» — ҳои мақомоти иҷроияи ҳокимияти давлатии вилоятро супорида, изҳори боварӣ намуд, ки мутахассисон минбаъд низ ҷиҳати рушду нумӯи иқтисодиёту иҷтимоиёти диёр ва таъмини зиндагии шоистаи мардум саҳми арзандаи худро хоҳанд гузошт. Дар ин бора аз хадамоти матбуоти раиси вилояти Суғд хабар доданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






