Ҳадя ба ҳоҷиёни тоҷик

Сентябрь 30, 2013 11:09

Душанбе, 30 сентябр.(АМИТ «Ховар», Марзия Саидова).-«Роҳнамои ҳаҷ ва умра»- таҳти чунин унвон сафорати Шоҳигарии Арабистони Саудӣ дар Ҷумҳурии Тоҷикистон рисолаи хурдеро мунташир намуд. Мураттиби китобча Ҳоҷӣ Хоҷамир Хоҷамиров буда, он бо забони тоҷикӣ ва ҳуруфоти кириллӣ рӯи чоп омадааст.   Рисола бо дастгирии молиявӣ ва сарпарастии доктор Бандар Муҳаммад Ҷамил -Сафири Ходими ҳарамайни шарифайн дар Ҷумҳурии Тоҷикистон нашр гардида, он ҳадяест ба мусулмонон, ки ба зиёрати Хонаи Каъба мераванд. Ҳоҷӣ Хоҷамир Хоҷамиров дар рисолаи мазкур саъй намудааст, то рукн, шарт, фарз, воҷиб ва суннатҳои маросими Хаҷро аз сарчашмаҳои муътамади исломӣ, Қуръони Карим ва ҳадисҳои ҳазрати Паёмбари Акрам (саллаллоҳу алайҳи ва салам), инчунин аз манбаъҳои фиқҳии мазҳаби Абуҳанифа (разияллоҳу анҳу) гирдоварӣ ва тасниф намояд. Бояд тазаккур дод, ки фаризаи Ҳаҷ бар ҳар мусалмоне, ки қудрату тавоноии молӣ ва ҷисмонӣ барои сафар ба Байтуллоҳро дорад, воҷиб аст. Ин фариза як рукнест аз панҷ рукни Ислом. Соли равон 6300 нафар зоирини тоҷик ҷиҳати тавофи Хонаи Худо ба Арабистони Саудӣ мераванд. Сафари гуруҳи нахстини зоирини тоҷик ба ин кишвар 21 сентябр тавассути ҳавопаймо шуруъ гардид. Хароҷоти сафари Хаҷ дар соли равон 17 625 сомонӣ, муодил ба 3700 $-ро ташкил медиҳад. Маблағи мазкур чиптаи парвози рафту бозгашти ҳоҷиён тавассути ҳавопаймо, боҷи шоҳӣ, хизматрасонӣ дар меҳмонхона, хӯрокӣ, хидмати роҳбаландон, кӯмаки тиббӣ, эмкунӣ, либос, ҷузвдон ва дигар ҷузъиёти сафар ба Хонаи Худоро дар бар мегирад.

Сентябрь 30, 2013 11:09

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд