Ҳадя ба ҷашни 65-солагии ДМТ
Душанбе, 18 сентябр.(АМИТ «Ховар», Марзия Саидова).- Дар «Шаҳраки донишҷӯён»-и Донишгоҳи миллии Тоҷикистон, воқеъ дар маҳаллаи Буниҳисораки Душанбе майдони варзишӣ мавриди баҳрабардорӣ қарор гирифт. Дар маросими ботантанаи ифтитоҳи ин иншооти варзишӣ намояндагони дастгоҳи иҷроияи Президенти ҷумҳурӣ, Парлумон, Вазорати маориф, ширкати сармоягузори «GLENCORE INTERNATIONAL AG» ва дигар ниҳодҳои марбутаи кишвар ширкат доштанд. Ин иншооти варзишӣ дар партави сиёсати ҳукумати кишвар дар самти рушди варзиш ва тарбияи насли солиму нерӯманд бунёд шудааст. Дилшод Давлатов- мудири кафедраи умумидонишгоҳии тарбияи ҷисмонии Донишгоҳи миллии Тоҷикистон мегӯяд, ки иншооти варзишӣ дар масоҳати 2600 метри мураббаъ бунёд гардида, дорои 1000 ҷои нишаст аст. Инчунин он дорои се майдончаи варзишӣ барои бозиҳои футболи хурд, волейбол, теннис ва баскетбол мебошад, ки масоҳати ҳар яке аз ин майдончаҳо 600 метри мураббаъро ташкил медиҳад. Ин иншооти варзишӣ бо сармояи ширкати «GLENCORE INTERNATIONAL AG» бунёд гардида, фармоишгараш ширкати TALCO «MANEGMENT LIMITED» ва пудратчиаш «Алюминсохтмон» аст. Бунёди иншооти варзишӣ ҳадя ба устодону донишҷӯёни Донишгоҳи миллии Тоҷикистон дар доираи таҷлили 22-юмин солгарди ҷашни Истиқлолияти давлатии Ҷумҳурии Тоҷикистон ва 65-солагии Донишгоҳи миллии Тоҷикистон аст.








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






