Аксияи зиддимухаддиротӣ дар АНМН

Сентябрь 16, 2013 09:42

Душанбе, 16 сентябр. (АМИТ «Ховар», Л. Қосимова).-Ҳафтаи гузашта гуруҳи таблиғотӣ, ки ҳайати он аз кормандони Агентии назорати маводи нашъаовари назди Президенти Ҷумҳурии Тоҷикистон, гуруҳи эҷодӣ, мутахассисони соҳаҳои тандурустӣ, маориф ва созмонҳои ҷамъиятӣ иборат мебошанд, дар доираи аввалин лоиҳаи байналмилалии зиддимухаддиротии агентӣ- «Гузаронидани чорабиниҳои пешгирикунанда ва фаҳмондадиҳӣ дар ноҳияҳои наздисарҳадии вилоятҳои Суғд, Хатлон ва ВМКБ», бо мақсади муттаҳид намудани кӯшишҳои тамоми мақомоти ҳокимият, институтҳои ҷамъиятӣ ва ҷомеаи шаҳрвандӣ дар муқовимат бо муомилоти ғайриқонунии маводи нашъаовар ва истеъмоли ғайритиббии он, инчунин ташаккули ҷаҳонбинии зиддимухаддиротии аҳолӣ, аввалин аксияҳои оммавии зиддимухаддиротиро дар ноҳияҳои Айнӣ ва Мастчоҳи Куҳии вилояти Суғд гузарониданд.Сокинони ин ду ноҳия дар чорабиниҳои мазкур фаъолона ширкат варзиданд. Дар назди ҷамъомадагон роҳбарони мақомоти иҷроияи ҳокимияти маҳаллӣ, кормандони агентӣ, намояндагони дин сухан гуфтанд.Тавре ки ба АМИТ «Ховар» аз дафтари матбуотии агентӣ хабар доданд, дар аксияҳо инчунин мусобиқаҳои варзишӣ, викторинаҳо гузаронида шуда, ғолибон бо туҳфаҳои хотиравӣ ва мукофотҳо сарфароз гардонида шуданд. Ба ҳамаи иштирокчиён буклет ва варақаҳои зиддимухаддиротӣ тақсим карда шуд.

Сентябрь 16, 2013 09:42

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд