Амалиёти «Кӯкнор-2013» дар ноҳияи Шуғнони ВМКБ

Душанбе, 23 сентябр. (АМИТ «Ховар», Лутфия Эшонқулова).-Кормандони Раёсати Агентии назорати маводи нашъаовари назди Президенти ҶТ дар ВМКБ дар доираи амалиёти ҷумҳуриявии «Кӯкнор-2013» буттаҳои растаниҳои бангдонаи худрӯйро нобуд карданд.Тавре ки маркази матбуотии агентии мазкур хабар медиҳад, кормандони фаврии Раёсат дар ҳудуди заминҳои бекорхобидаи деҳаи Барчиди ҷамоати Поршневи ноҳияи Шуғнони Вилояти Мухтори Куҳистони Бадахшон зиёда аз 1000 дона буттаи растаниҳои худрӯйи бангдонаро ошкор намуда, бо тариқи сӯзонидан онҳоро нобуд сохтанд.Амалиёти ҳамасолаи «Кӯкнор» аз моҳи май оғоз ёфта, дар охири моҳи ноябр ҷамъбаст мешавад. Яке аз мақсадҳои гузаронидани амалиёти мазкур- ин дарёфти маълумот оид ба муомилоти ғайриқонунии воситаҳои нашъаовар, ёфт ва нобуд сохтани растаниҳои худрӯи бангдона мебошад.