Армуғони идона

Душанбе, 11 сентябр. (АМИТ «Ховар», Л. Қосимова). — Бахшида ба 22-юмин солгарди Истиқлолияти Ҷумҳурии Тоҷикистон Агентии давлатии ҳифзи иҷтимоӣ, шуғли аҳолӣ ва муҳоҷират дар ҳамоҳангӣ бо намояндагони Кумитаи имдоди имом Хумайнии Ҷумҳурии Исломии Эрон дар Тоҷикистон ба се оилаи камбизоат, сокинони ноҳияҳои Сино ва Фирдавсӣ маҳсулоти хўрокворӣ, шустушўӣ ва асбобҳои хониш тақдим намуданд .Масъулини агентӣ ва Кумитаи имдод тасмим гирифтанд, ки моҳе як маротиба ба хонаи оилаҳои ниёзманди ҷумҳурӣ рафта, бо шароити иҷтимоӣ ва аҳволи саломатии онҳо аз наздик шинос гарданд. Дар ин бора ба АМИТ «Ховар» аз дафтари матбуоти Вазорати меҳнат ва ҳифзи иҷтимоии аҳолии ҶТ хабар доданд.