Авбошӣ дар назди мактаб

Душанбе, 4 сентябр. (АМИТ «Ховар», Л. Қосимова). — Ба шуъбаи Вазорати корҳои дохилии ноҳияи Шоҳмансур шаҳрванд Раҷабов Асадулло, соли таваллудаш 1954, сокини шаҳри Душанбе муроҷиат намудааст, ки санаи 2 сентябр тахминан соатҳои 13:00-дақиқа, шахси номаълум дар назди мактаби таҳсилоти умумии №35, воқеъ дар кӯчаи Адҳамови пойтахт, писари ноболиғаш Раҷабов Амирхон Асадуллоевич, соли таваллудаш 1997-ро аз ҳиссиёти авбошӣ, бе ягон асос латукӯб карда, бо таппончаи оташфишон ӯро таҳдиди куштан намуда, аз ҷойи ҳодиса ғайб задааст. Ҳангоми гузаронидани чорабиниҳои фаврию ҷустуҷӯӣ аз ҷониби кормандони ШВКД дар ноҳияи Шоҳмансур шаҳрванд Одинаев Аскар Аламшоевич, соли таваллудаш 1969, сокини шаҳри Душанбе бо гумони авбошӣ дастгир карда шуд. Аз рӯи ҳодисаи мазкур парвандаи ҷиноӣ оғоз гардида, тафтиш идома дорад.Дар ин бора ба АМИТ «Ховар» аз дафтари матбуоти ВКД хабар доданд.