Ба истифода додани бинои иловагии таълимии ДДОТ дар Рашт
Душанбе, 25 сентябр (АМИТ «Ховар»).-Бо иштироки Сарвари давлат Эмомалӣ Раҳмон бинои иловагии таълимии Донишкадаи омӯзгории Тоҷикистон дар ноҳияи Рашт ба истифода дода шуд, ки дар он 500 нафар толибилм ба донишомузи фаро гирифта мешаванд.Бинои нави факултети табиӣ риёзӣ дорои 33 утоқу синфхонаи таълимӣ, аз ҷумла ду синфхонаи компютерӣ, кабинетҳои физика, химия ва биология буда, дар он озмоишгоҳи муҷаҳаз бо техникаи муосир мавҷуд мебошад.Бинои иловаги таълимии Донишкадаи омӯзгории Тоҷикистон бо харҷи 5 миллиону 500 ҳазор аз ҳисоби маблағҳои буҷети ҷумҳуриявӣ бо сифати баланд сохта ба истифода дода шудааст.Зимни шиносои Президенти мамлакат Эмомалӣ Раҳмон донишҷуёнро ба аз худ кардани илмҳои замонавӣ ҳидоят карда, таъкид намуд, ки аз имкониятҳои мавҷуда самаранок истифода намоянд.Дар шафати бинои асосии таълимии Донишкада сохтмони толори муҳташами варзишӣ бо суръат идома дорад, ки соли оянда ба истифода дода хоҳад шуд. Сарвари давлат ба масъулин дастур дод, ки барои омӯзгорон як бинои истиқоматӣ дар кӯтоҳтарин муҳлат бунёд намоянд.Устодону донишҷӯёни муассисаи олии таълимии минтақаи куҳистони кишвар барои дастгириҳои пайвастаи роҳбарияти давлату ҳукумати Тоҷикистон ба хотири рушди соҳаи маорифи кишвар арзу сипосу минатдорӣ карданд.Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






