БДА ҷасади ҷавони шахсияташ номаълумро ошкор карданист

Душанбе, 2 сентябр. (АМИТ «Ховар», Фарзона Ашӯрмадова).- Шаби гузаштаи 1 -уми сентябр ҷавони тахминан 25-30-соларо ронандаи  номаълум бо мошинаш зер карда, ба ҳалокат расонидааст.
Тавре ки дар ин бора аз БДА-и шаҳри Душанбе хабар доданд, шаби гузашта тахминан соатҳои 20:30 дақиқа мошини тамғааш номаълум ҳангоми ҳаракат дар кӯчаи Ғаффоров аз тарафи кӯчаи Шамсӣ ба самти кӯчаи Федин, дар рӯ ба рӯи мағозаи «Арзон» пиёдагард- марди тахминан 25-30- соларо зер карда, аз ҷои ҳодиса ғайб задааст. Пиёдагард ҷароҳати вазнини ҷисмонӣ бардошта, дар бемористон ба ҳалокат расидааст. Шахсияти ҷавони ҳалок гардида номаълум буда, кормандони БДА-и пойтахт барои маълум кардани шахсияти ҷавони ҳалокгашта чораҷӯӣ доранд.
 Шахсоне, ки оид ба ин ҳодиса иттилоъ доранд, метавонанд  бо ракамҳои 221 00 46, 221 00 16 ба қисми навбатдории БДА занг зананд.