Бунёди корхонаи коркарди партовхо

Кӯлоб, 23 сентябр. (АМИТ «Ховар», С. Холов).-Бо дастгирии мақомоти иҷроияи ҳокимияти давлатӣ дар шаҳри Кӯлоб аввалин корхонаи коркарди партовҳо аз ҷониби соҳибкорони маҳаллӣ мавриди истифода қарор дода шуд. Корхонаи мазкур бо таҷҳизоти муосири соҳавӣ муҷаҳҳаз гардонида шуда, дар як шабонарӯз имкон дорад беш аз 80 кубометр партовҳои шаҳру ноҳияро коркард намояд, ки ин тадбир баҳри тоза нигоҳ доштани муҳити зист муҳим аст.Ба гуфти соҳибкорон дар навбати аввал аз партовҳо нуриҳои органикӣ истеҳсол мегардад ва шишаю пластика ҷудо карда шуда, ба дигар корхонаҳо интиқол дода мешавад. Дар оянда дар заминаи ин корхона якчанд коргоҳи дигар фаъол гардонида мешавад . Дар айни замон дар корхонаи коркарди партовҳо 50 нафар сокинони маҳаллӣ бо ҷои кор таъмин гардида, дар оянда бо бунёди коргоҳҳои нав шумораи коргарон зиёд хоҳад шуд.