Чанд хабар аз хориҷи кишвар

Исроил дорои чист? Душанбе, 16 сентябр (АМИТ «Ховар»).-Як сомонаи хабарӣ бо интишори санади махфие навиштааст, ки Исроил дастикам аз соли 1982 то кунун дорои силоҳи кимиёвӣ ва маркази тавлиди он мебошад. Хоҳишоти Бразилия Душанбе, 16 сентябр (АМИТ «Ховар»).-Вакилони парлумони Бразилия ба хотири суҳбат бо собиқ корманди ХКА Эдвард Сноуден ва гирифтани маълумоти дақиқ нисбат ба барномаҳои махсуси ИМА нисбат ба кишварашон ба ФР хоҳанд омад. Изҳороти ИМА Душанбе, 16 сентябр (АМИТ «Ховар»).-ИМА изҳор доштааст, ки пешниҳоди ФР дар мавриди зери назорати байналмилалӣ қарор додани захираҳои силоҳи кимиёвии Сурия аз ҷониби онҳо омӯхта мешавад. Ҳушдори дигари ИМА ин аст, ки то замоне, ки таҳқиқи силоҳи кимёвӣ дар ин кишвар исботи пурраи худро наёбад, онҳо аз ҳамлаи фаврӣ ба муассисаҳои низомии ин кишвар даст нахоҳанд кашид. Нишасти сеҷониба Душанбе, 16 сентябр (АМИТ «Ховар»).-Нишасти сеҷониба миёни вазирони корҳои хориҷии ФР, ИМА ва намояндаи СММ оид ба Сурия дар Женева бо мувофиқа барои идомаи гуфтугӯҳо ҷиҳати поён ёфтани роҳкории дипломатӣ барои ҳалли буҳрони Сурия поён ёфт. Ҳамзамон ҷонибҳо ба мувофиқа расиданд, ки музокирот барои таъйини замони баргузории нишасти байналмилалии Женева-2 рӯзи 28-уми сентябри соли равон дар шаҳри Ню Йорк сурат хоҳад гирифт.Тарҷумаи Иброҳими Ҳабибуллоҳ