Дар Бозиҳои АвруОсиё Тоҷикистон мақоми сеюмро касб кардааст

Душанбе, 19 сентябр. (АМИТ «Ховар», Фарзона Ашӯрмадова).-Ҳайати дастаи варзишии кишвар дар Бозиҳои сеюми варзишии Иттиҳоди иқтисодии АвруОсиё байни писарон ва духтарон, ки дар шаҳри Алмаато ҷараён дорад, бо гирифтани 44 медал баъди варзишгарони Русия, Қазоқистон, Беларус мақоми сеюмро касб кардаанд.Варзишгарони тоҷик, ки дар мусобиқа аз рӯи 9 намуди варзиш иштирок доранд, 2 медали тилло, 9 медали нуқра ва 33 медали биринҷии бозиҳоро соҳиб гаштаанд.Ёдрас мешавем, ки Бозиҳои сеюми варзишии Иттиҳоди иқтисодии АвруОсиё байни писарон ва духтарон аз 14-уми сентябр дар шаҳри Алмаатои Ҷумҳурии Қазоқистон ҷараён дошта, то 21-уми сентябри соли равон идома хоҳанд кард. Дар мусобиқаи мазкур Тоҷикистонро 123 варзишгар дар риштаҳои гуногуни варзишӣ муаррифӣ мекунад.