Дави умумиҷаҳонии «Машъал» ба Маликшо Неъматов Ифтихорнома дод

Душанбе, 6 сентябр. (АМИТ «Ховар», Фарзона Ашӯрмадова).-Раиси Кумитаи ҷавонон, варзиш ва сайёҳӣ Маликшо Неъматов беш аз 100 варзишгару собиқадор ва мураббию корманди соҳаро барои хизматҳои шоён дар рушду густариши тарбияи ҷисмонӣ ва варзиш бо унвонҳои фахрӣ, варзишӣ ва дараҷаҳои тахассусӣ қадрдонӣ намуд.Тавре ки дар ин бора аз Кумитаи ҷавонон, варзиш ва сайёҳӣ хабар доданд, бо унвони варзишии«Номзад ба Устоди варзиши Тоҷикистон» 7 нафар, «Устоди варзиши ҷумҳурӣ” 63 нафар, «Устоди варзиши дараҷаи байналмилалӣ” 13 нафар, «Мураббии тахассуси дараҷаи олӣ» 4 нафар, «Мураббии шоистаи Тоҷикистон” 6 нафар, унвони фахрии варзишии “Довари дараҷаи ҷумҳуриявӣ» 3 нафар, «Корманди шоистаи тарбияи ҷисмонӣ ва варзиши Тоҷикистон” 11 нафар, «Устоди шоистаи варзиши Тоҷикистон» 2 нафар сарфароз гардиданд.Ҳамчунин аз ҷониби Ташкилоти Дави умумиҷаҳонии машъалӣ барои саҳми арзанда дар баргузории сатҳи баланди чорабинии мазкур дар ҳудуди ҷумҳурӣ дар давоми се соли охир Маликшо Неъматов, раиси Кумитаи ҷавонон, варзиш ва сайёҳӣ бо Ифтихорнома ва медали ин ташкилот сарфароз гардид.