Дурнамои ҳамкории Британияи Кабир ва Тоҷикистон

Сентябрь 6, 2013 11:05

Душанбе, 6 сентябр. (АМИТ «Ховар», Кристина Эрлих ). – 5 сентябр дар шаҳри Душанбе мулоқоти Вазири молияи Ҷумҳурии Тоҷикистон С.Наҷмуддинов ва Сафири Шоҳигарии Муттаҳидаи Британияи Кабир ва Ирландияи Шимолӣ дар Тоҷикистон Робин Орд – Смитт баргузор гардид.Тавре ки аз котиботи Вазорати молияи ҶТ ба АМИТ «Ховар» хабар доданд, дар ҷараёни мулоқот перомуни масоили мубрам ва дурнамои ҳамкории ҳар ду кишвар дар бахши молия ва соҳаҳои дигари фаъолият табодули афкор барпо гардид. Ҷонибҳо ҳамчунин натиҷаи гуфтушуниди дуҷонибаи байни Ҷумҳурии Тоҷикистон ва Шоҳигарии Муттаҳидаи Британияи Кабир ва Ирландияи Шимолӣ ҷиҳати мутобиқат намудани лоиҳаи Созишнома дар бораи роҳ надодан ба андозбандии дукарата дар бахши андозҳои даромад ва сармояро, ки моҳи июли соли равон баргузор шуда буд, мавриди муҳокима қарор доданд. Зикр шуд, ки баъди анҷоми дар даври аввали гуфтушунид ҳайатҳо лоиҳаи муштараки протоколро имзо намуда буданд. Ҷонибҳо дар ҷараёни мулоқот ҳамчунин масоили марбут ба воридшавии Ҷумҳурии Тоҷикистон ба Созмони умумиҷаҳонии савдо ва татбиқи ибтикорот дар мавриди шаффофияти соҳаҳои истихроҷи маъданро муҳокима намуданд.С.Наҷмуддинов натиҷаи мулоқотро ҷамъбаст карда, зикр намуд, ки мақсад аз ҳамаи тадбирҳои Ҳукумати Ҷумҳурии Тоҷикистон баланд бардоштани сатҳи некӯаҳволии мардуми кишвар буда, Тоҷикистон ҷонибдори ҳамкории зичтар бо Британияи Кабир мебошад.

Сентябрь 6, 2013 11:05

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд