Душанбе-шаҳри бехатар
Душанбе, 16 сентябр. (АМИТ «Ховар», Л. Қосимова).- Дар асоси Созишномаи байни Ҳукумати Ҷумҳурии Тоҷикистон ва ширкати «Хуавей»-и Ҷумҳурии Мардумии Чин дар айни замон дар пойтахти ҷумҳурӣ лоиҳаи «Маҷмааи автоматикунонии идораи нақлиёт ва ҳаракат дар роҳ дар шаҳри Душанбе — «Шаҳри бехатар» амалӣ шуда истодааст. Лоиҳаи мазкур ҷиҳати бартарафсозии маҷмӯи мушкилоти раванди ҳаракат дар роҳ мусоидат намуда, ба беҳдошти ташкили ҳаракат дар роҳ, таъмини назорати доимӣ аз рўи ҳаракати воситаҳои нақлиёт ва таъмини тартиботи ҷамъиятӣ дар шаҳри Душанбе мусоидат хоҳад кард.Бо татбиқи ин система тамоми қоидавайронкуниҳои ҳаракат дар роҳ тавассути таҷҳизоти наворгиранда, ки дар чорроҳаҳои шаҳри Душанбе насб мешаванд, ба маркази ягонаи идоракунӣ фиристода шуда, дар базаи умумии марказ коркард ва нигоҳ дошта мешаванд.Марҳилаи аввали ин лоиҳа ба охир расида, дар назар аст он охири моҳи сентябр мавриди истифода қарор дода шавад.Тавре ки ба АМИТ «Ховар» аз дафтари матбуоти ВКД хабар доданд, 17 сентябри соли равон соати 10.00 дар бинои Раёсати БДА бо иштироки роҳбарияти ВКД, РБДА, масъулини ширкати «Хуавей» ва дигар ташкилоту идораҳои марбута бо намояндагони ВАО нишасти матбуотӣ доир гардида, тартиби кори маҷмааи мазкур ба самъи аҳолии ҷумҳурӣ расонида мешавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






