Форуми байналмилалӣ

Душанбе, 27 сентябр. (АМИТ «Ховар»). – Аз 3 то 4 октябр дар шаҳри Душанбе Форуми навбатии 1Х байналмилалии «Муколамаи забону фарҳангҳои ИДМ ва СҲШ дар қарни ХХ1» баргузор мегардад.Тавре ки хадамоти матбуоти Кумитаи иҷроияи ИДМ хабар медиҳад, форум бо ибтикори Донишгоҳи давлатии забоншиносии шаҳри Маскав дар заминаи Донишгоҳи миллии Тоҷикистон баргузор мешавад. Форуми байналмилалии «Муколамаи забону фарҳангҳои ИДМ ва СҲШ дар қарни ХХ1» ба ҳукми анъана даромада, ба рушди муколамаи байни фарҳангу забонҳои кишварҳо ҳиссаи калон гузошта, ба таҳкими равобити донишкадаҳои гуманитарӣ ба таври судманд мусоидат мекунад.Имсол дар барномаи форум ҷаласаҳои умумӣ ва мизҳои мудаввар барои табодули таҷриба ва мубоҳисаҳои илмӣ пешбинӣ шудааст. Дар форум олимону мутахассисони намоёни донишкадаҳои олии шомили Шӯрои байни донишкадаҳои таҳсилоти динӣ ва Созмони асосии забону фарҳанги давлатҳои аъзои ИДМ, ҳамчунин Созмони донишкадаҳои гуманитарии давлатҳои аъзои СҲШ иштирок менамоянд. Ба ин чорабинӣ намояндагони мақомоти ҳокимияти давлатӣ, рӯҳониёни кишварҳои ИДМ ва донишкадаҳои дунявию динӣ низ даъват шудаанд.