Ифтитоҳи мактаби нав дар Истаравшан
Душанбе, 3 сентябр. (АМИТ «Ховар», Зарангези Латиф).- Дар арафаи Рӯзи дониш бинои иловагии мактаби № 30 – и деҳаи Тӯдаи ноҳияи Истаравшан мавриди истифода қарор дода шуд. Қоҳир Расулзода, раиси вилояти Суғд пас аз буридани лентаи рамзӣ аз бинои нав дидан карда, изҳор дошт, ки дар вилоят барои сохтмони мактабҳои ҷавобгӯ ба талаботи муосир аз тамоми имкониятҳои мавҷуда истифода мешавад.
Ёдовар мешавем, ки бинои асосии мактаб соли 1932 бунёд шуда, қисми дигари он соли 1982 ба тариқи ҳашар сохта шуда буд ва мактаб бо фарогирии беш аз 640 нафар мактаббача дар се баст фаъолият дошт. Ҳамакнун бинои иловагии мактаб, ки аз 8 синфхона иборат мебошад, бо маблағгузории мақомоти иҷроияи ҳокимияти давлатии вилоят бо харҷи 1 миллиону 656 ҳазор сомонӣ ба истифода дода шуд. Фаромоишгари иншоот идораи сохтмонии асосии вилоят буда, пудратчии он ҶДММ “Бунёдкор” мебошад.
Тибқи иттилои хадамоти матбуоти раиси вилояти Суғд дар шаҳри Истаравшан сохтмони мактабҳо идома дошта, дар айни замон сохтмони биноҳои нави мактаби № 11, инчунин дар деҳаи Оби Ҷумак, ҷамоати деҳоти Зарҳалол, бинои иловагии мактаби № 15, бунёди синфхонаҳои иловагӣ дар назди мактаби № 23 идома доранд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






