Ифтитоҳи озмоишгоҳи инноватсионии тиббӣ
Душанбе, 5 сентябр. (АМИТ «Ховар», Л. Қосимова). — Тавре ки ба АМИТ «Ховар» аз дафтари матбуоти Вазорати тадурустии ҶТ хабар доданд, яке аз иншооти муҳиме, ки бо иштироки Президенти кишвар Эмомалӣ Раҳмон дар шаҳри Душанбе ифтитоҳ шуд, озмоишгоҳи инноватсионии тиббӣ аст, ки бо харҷи беш аз 15 миллион сомонӣ, маблағҳои муштараки Ҳукумати Ҷумҳурии Тоҷикистон ва Фонди глобалӣ бунёд ёфта, бо навтарин дастгоҳу таҷҳизот муҷаҳҳаз гардидааст. Дар сатҳи миллӣ таъсис додани Муассисаи давлатии «Озмоишгоҳи миллии тандурустии ҷамъиятӣ» ҳамчун воҳиди мустақили дорои сохтори дахлдор бо мақсади дарёфти саривақтии беморони сил, инчунин беморони сили шакли мутобиқгашта, ВНМО/БПНМ, вараҷа, зардпарвин ва дигар бемориҳои сироятӣ пешбинӣ шудааст, ки барои таъмини табобати пурсамари беморон мусоидат мекунад. Инчунин таъсиси муассисаи мазкур баҳри ҷоннок намудани пойгоҳи моддию техникии озмоишгоҳҳои соҳаи зиддисилӣ ва дигар озмоишгоҳҳо ҳамзамон, ҳамоҳангсозии масъалаҳои алоқамандро таъмин намуда, барои ба кишвар ворид гардидани маблағҳои иловагии саҳмгузорони абарқудрати дунё мусоидат менамояд. Дар баробари оғози фаъолияти озмоишгоҳи мазкур зиёда аз 50 ҷойи нави корӣ ташкил мешавад. Зикр кардан зарур аст, ки Вазорати тандурустӣ бо дастгирии бевоситаи Ҳукумати Ҷумҳурии Тоҷикистон дар ҳудуди Пажуҳишгоҳи гастроэнтереологияи Вазорати тандурустии Ҷумҳурии Тоҷикистон сохтмони Муассисаи давлатии «Озмоишгоҳи миллии тандурустии ҷамъиятӣ»-ро ба анҷом расонид. Барои сохтмони озмоишгоҳи мазкур 13 млн. 765 ҳаз. 980 сомонӣ сарф шудааст. Инчунин, барои фаъолияти минбаъдаи озмоишгоҳи мазкур ба миқдори 1 млн. 371 ҳаз. 37 сомонӣ асбобу дастгоҳҳои муосири замонавӣ дастрас карда шудаанд. Қайд кардан зарур аст, ки чунин озмоишгоҳи замонавӣ ва пуриқтидор то ҳол дар давлатҳои Осиёи Миёна арзи вуҷуд надорад.Дар марҳилаи аввали корӣ гузаронидани ташхисҳои бемориҳои сил, ВНМО/БПНМ ва вараҷа барои ниёзмандон дар асоси хизматрасонии тиббии ройгон ба роҳ монда мешавад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






