Имзои Ёддошт дар бораи ҳамкорӣ
Душанбе, 16 сентябр. (АМИТ «Ховар», Кристина Эрлих). – Чанде пеш дар шаҳри Душанбе мулоқоти муовини раиси Палатаи савдо ва саноати Ҷумҳурии Тоҷикистон Асаналӣ Карамалиев бо президенти Палатаи савдою саноат, маъдан ва кишоварзии музофоти Албурзи Ҷумҳурии Исломии Эрон Ҳусейн Тусӣ баргузор гардид. Тавре ки аз маркази матбуоти Палатаи савдо ва саноати ҶТ ба мухбири АМИТ «Ховар» хабар доданд, меҳмон зимни суханрониаш дар бораи иқтисодиёти музофот, имкониятҳои ҳамкорӣ, фаъолияти палата ва мақсадҳои сафари ҳайати Эрон ба Ҷумҳурии Тоҷикистон нақл кард.Асаналӣ Карамалиев дар навбати худ ба меҳмон аз фаъолияти Палатаи савдо ва саноати ҶТ нақл карда, ба масоили ҳамкории палатаҳои ҳар ду кишвар дахл намуда, таваҷҷӯҳи меҳмонро ба ташкили намоишгоҳу ярмаркаҳо ва сафари ҳайатҳои аҳли тиҷорат ба кишварҳои якдигар ҷалб намуд. Дар хотимаи мулоқот Ёддошт дар бораи ҳамкории байни Палатаи савдо ва саноати Ҷумҳурии Тоҷикистон ва Палатаи савдою саноат, маъдан ва кишоварзии музофоти Албурз имзо гардид.
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Имрӯз дар шаҳри Душанбе ҳаво то 26 дараҷа гарм мешавад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
