Иштироки Ҳ.Зарифӣ дар ҷаласаи ШВКХ СААД

Душанбе, 24 сентябр. (АМИТ «Ховар»). – Вазири корҳои хориҷии Ҷумҳурии Тоҷикистон Ҳамрохон Зарифӣ 23 сентябр дар шаҳри Сочи дар ҷаласаи муштараки Шӯрои вазирони корҳои хориҷӣ, Шӯрои вазирони мудофиа ва Кумитаи котибони шӯроҳои амнияти давлатҳои аъзои Созмони Аҳдномаи Амнияти Дастаҷамъӣ иштирок намуд. Тавре ки аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ хабар доданд, иштирокдорони ҷаласаи муштарак лоиҳаҳои Баёнияи иҷлосияи Шӯрои амнияти дастаҷамъии СААД ва Изҳороти якҷояи сарони давлатҳои аъзои Созмон «Дар бораи дастгирии мутақобилаи номзадҳои давлатҳои аъзои СААД дар мақомоти интихобии СММ» ва лоиҳаҳои ҳуҷҷатҳо оид ба такмили ҳамкории ҳарбӣ ва таҳкими қисми таркибии ҳарбии СААД, дар бораи расонидани ёрӣ ба Ҷумҳурии Тоҷикистон ҷиҳати таҳким бахшидани сарҳади Тоҷикистон Афғонистонро мавриди муҳокима қарор доданд.Иштирокдорони мулоқот масоили самтҳои асосии фаъолият дар давраи раёсати Федератсияи Русия дар Созмони Аҳдномаи Амнияти Дастаҷамъӣ ва бархе масалаҳои дигари ташкилиро низ баррасӣ намуданд.