Истихроҷи ангишт афзуд

Сентябрь 4, 2013 16:43

Душанбе, 4 сентябр. (АМИТ “Ховар”, Зарангези Латиф).-Вазорати энергетика ва саноати Ҷумҳурии Тоҷикистон, ҷиҳати омодагӣ ба мавсими тирамоҳу замистон, бахусус оид ба иҷрои қарори Ҳукумати Ҷумҳурии Тоҷикистон аз 30 марти соли 2013, №122 «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2013-2014», дар доираи корхонаҳои соҳаи ангишт нақшаю чорабиниҳо тартиб дода, дар ин самт мунтазам тадбирҳо меандешад.Тавре аз нишондиҳандаҳои 8-моҳи соли ҷорӣ бармеояд аз тарафи корхонаҳои соҳа дар ин давра ангишт ба миқдори 267,8 ҳаз. тн. ангишт истихроҷ карда шуд, ки ин аз нақша 148,8 ҳаз. тн. ё 225 фоиз ва нисбат ба ҳамин давраи соли сипаригардида 51,4 ҳаз. тн. зиёд буда, суръати афзоиш 124 фоиз таъмин гардид. Аз ангишти истихроҷгардида ба миқдори 221,9 ҳаз. тоннааш ба фурўш бароварда шудааст.Мутаассифона, аз тарафи аҳолӣ нисбат ба ҳамин давраи соли гузашта 83,3 ҳаз. тн. ё 40,7 фоиз кам ангиштро харидорӣ карда шудааст. Воридоти ангишт ҳам аз аввали сол то 31 -юми июли соли ҷорӣ 3,9 ҳаз. тоннаро ташкил медиҳад, ки ин нисбат ба ҳамин давраи соли сипаригардида 3,5 ҳаз. тн. кам ё 52,6 % мебошад.Ба иттилои Вазорат захираи умумии ангишт то санаи 1.09.2013 дар анбор ва нуқтаҳои фурўш бо назардошти бақияи соли сипаригардида зиёда аз 81 ҳаз. тоннаро ташкил медиҳад.Мавриди зикр аст, ки айни замон дар ҷумҳурӣ зиёда аз 162 корхонаҳои саноатӣ фаъолияташонро бо истифода аз ангишт ба роҳ мондаанд.

Сентябрь 4, 2013 16:43

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд